某日上网上上下，搵到PIXAR嘅网站去。哈，^_^，好得意。呢度睇睇，個度睇睇，後來先發覺，佢出嘅動畫中除咗《Toy Story 2》同《Ratatouille》之外，我全部都睇過。原來，不知不覺佢陪伴我已經有咁多日子。《Toy Story》、《A Bug's Life》、《Monster, Inc. 》、《Finding Nemo》、《The Incredibles》、《Cars》、《Wall·E》、《Up》無一部我係唔鐘意嘅。
PIXAR都間中有出一啲作品，但係我都冇留意。後來，再大啲，到中學啦，諗嘢唔同咗。但係都冇睇卡通片。先係《Monster, Inc.》比我暖身，開始接受，然後直到有一次拍拖去睇《Finding Nemo》。驚艷，突然間覺得，比較起來，啲3D動畫總個整！點解可以做倒咁逼真？！故事好，角色好，啲技術總個好。感動的故事，而且裡面嘅氣氛同環境settings唔係真人戲可以做得到架。而且，我又覺得好多誇張搞笑的場面只可以通過動畫來表達。哇，好犀利啊~自此以後，我就場場都捧PIXAR。更重要嘅係，PIXAR咪試過令人失望，佢每一套動畫都咁吸引我，感動我，令我開心（當然，有兩部總沒睇，不過，我敢拍硬心口講肯定唔會差！）。雖然好多時候，大家可能會攞佢嚟同Dreamworks 比較，但係，講真啦，除咗第一部《Shrek》之外，比到我驚喜之外（亦係呢部片令Dreamworks 成為PIXAR勁敵嘅開始），其它嘅……當然，亦有帶比我歡樂，但係印象一啲都唔深刻。最憎嘅係啲商業佬諗法，出咗第一集，好賣座，追加第二集。我唔係話第一集好賣就拍第二集唔得。但係，大佬，比啲誠意嚟咧。短短幾年猛出，啱啱睇到好似明年又出第4集啦。Okok，其實時間唔係問題，如果係好作品又可以系短時間裡面出嚟，咁簡直甘拜下風啦。但係唔係喎，啲故事越來越亂，越睇越冇趣，我諗第4集都要認真考慮要唔要捧場。不過，我都唔會否認，Dreamworks 啲動畫亦都帶比我開心，但係，如果你要我揀，我都係會講：“PIXAR 啲水準唔一樣嘅咯。每套片都係精心製作，哂好多心機同心思係上邊。”講返啲老套嘅說話喇，Dreamworks就係比你笑餐飽，PIXAR就係比你笑之余總覺得好有意思同意義嘅一部動畫啊。再嚟，就係套用小新一句話：“PIXAR每次做的角色都好特別，沒有人做過，而且好有自己的characteristics。”冇錯！就係一直創新，唔會將自己綁死系一個地方。（講到呢度，我要有些少慚愧咁講之前睇《UP》嘅預告片嘅時候，我唔係咁感興趣架。個預告片比唔到我創新，所以標住PIXAR個牌，我都唔知入不入場睇。後來睇過啲朋友話唔錯，我先去睇。嗚~PIXAR，我知錯喇，你永遠都係我心目中嘅No. 1！我睇戲睇睇下，就做完喇，可想而知我幾咁投入。所以，PIXAR再一次咁話我知，佢哋係做足功夫架！）
開始覺得PIXAR 啲動畫好睇之後，我就去搵返以前冇睇過幾《Toy Story》。朋友，雖然呢部卡通片已經有超過10年歷史，我個陣睇返總係睇得津津有味啊！兩個字，佩服！故事特別又搞笑，以當時嘅技術嚟講，簡直冇得彈。後來，再睇多一次《Monster Inc.》。噢，個小囡囡得意到~而且個故仔總超有創意，咁都比佢諗到。雖然係重睇，但係一樣覺得咁好睇。最記得第一拜睇嘅時候個場啲怪獸發現有人嘅毛髮，竟然出動到全副安全部隊嚟消毒，笑到我肚痛。
PIXAR真係好犀利。我衷心希望佢可以做多50年(≧∇≦)！屹立不倒，不斷創新，帶比大家更多歡樂與啓示。支持你呀，PIXAR!
No comments:
Post a Comment